6/17/10

العلاج السحري لكل المشاكل والهموم - اكتشاف



بصراحه اليوم وقع بين ايدي أمر خطير فيكم تسموه العلاج السحري او الدواء الشافي
او المصباح السحري

انا عنجد مذهوله من نتائجه
كنت سمعانه فيه من زمان واليوم تأكدت من أهميته وعظمة شأنه

المصباح السحري اللي بدي خبركم عنه اليوم واللي رح يكون سبب ان شاء الله لتحقيق كل احلامكم وقضاء ديونكم وتوسيع رزقكم والشفاء والفرج وكل الشغلات اللي بدنا ياها

مفعول أقوى من السحر وأعظم من كل شي ممكن يدور ببالكم
بس أرجوكم كملو الموضوع لآخره

هو بكل بساطة بكلمتين
كلنا بنعرفهم بس هالمره لازم نحنا وعم نقولها نفكر مزبوط فيها وأببعادها

الكلمتين هنن :ـ
الثقه بالله

شو يعني الثقه بالله يعني انه فعلا الله هو مالك الملك وماحدا غيره بيقدر يحل المشكله اللي عندي

ولان بيده مفاتيح السموات والارض هو بس اللي قادر يفتحلي باب الفرج

ولانه بيده هو بس خزائن الارض والسموات هو قادر يسبب الاسباب لقضاء ديني وتوسيع رزقي

لانه هو الهادي قادر انه يهديلي الزوج او الزوجه المناسب لي ويجيبه لحد عندي

ولانه هو الجبار قادر انه يجبر كسري ويحن علي أكثر من حنية أمي لما تضمني وتقعد تبكي على همي بس مع فرق واسع وهو انه امي مابيدها حيله لكن **** الـــلــــه ***هو الوحيد القادر واللي بيقدر يفك كل عقدي

لانه هو الشكور قادر يقبل عملي القليل ويباركلي فيه ويجعل اجره اجر كبييييييييير

لانه هو السميع سمعان حتى دقات قلبي لما تصير تدق من الخوف والقهر

لانه هو البصير شايف دمعتي اللي عم تحفر بقلبي لاني عم خبيها عن الناس

لانه هو القريب فهو معي بكل لحظه حتى باللحظات اللي بحس فيها ان الدنيا كبييييييره ومافيها غيري لحالي لما اقرب الناس بيتخلى عني - معي وسندني ودعمني بس انا ما حسيت لاني ماشايفه مزبوط

لانه هو القاهر فهو قادر بلمحة عين يقلب الأمر ويقهر من قهرني هالشخص اللي فكر نفسه قادر يقهر العباد الضعفاء متلي ومالاقى حدا يصده

لانه هو الستار قادر يحميني من مصيبه مكرلي ياها ودبرها ناس ما عرفانين انه ربي معي واني معتمده عليه

والأهم من هيك اني اساسا ما رح اعرف بالموضوع لانه ربي حبيبي ستر علي ومنعها قبل حدوثها وقبل حتى ما توصل لي

ربي حبيبي ما كنت بتخيل انه كل المصايب اللي صابتني بحياتي هي بسببن : ذنوبي وقلة ثقتي فيك

سبحانك يارب اعف عني وساعدني اقدر اوثق فيك متل ما تحب

ساعدني وانا عم اذنب اني اتذكرك وشوف اسمك المنتقم قدامي وخاف ووقف عن الذنب

ساعدني كل ما اتذكرذنوبي الكتيره اني توب وما ارجعلها مره تانيه واتذكر قديش انك عفو

ساعدني لما بتكتر مصائبي اني اتذكر انك قريب تجيب دعوة الداع

ساعدني لما شوف ديوني واحمل همها الكبير اني شوف قدامي اسمك الرزاق

(الله هو الرزاق ذو القوة المتين )

ساعدني لما بحس حالي مو قادره وقف من شدة الظلم اللي وقع على ظهري اني شوف اسمك الجبار يلمع قدام عيوني يصورلي لوحة رائعه بالوان الربيع من النصر

ساعدني لما بكون وحيده وعم ابكي وماعندي مين يوقف معي ويمسح دمعي او حتى مابدي حدا يشوف دمعي اني شوف اسمك الودود

ياودود ياودود ياودود
يا ذا العرش المجيد يا فعلا لما تريد
أسألك بعزك الذي لا يرام
وبملكك الذي لا يضام
وبنور وجهك الذي ملأ أركان عرشك
وبقدرتك التي قدرت بها على خلقك وبرحمتك التي وسعت كل شيء
أنت الذي وسعت كل شيء رحمة وعلما
يا مغيث أغثني يا مغيث أغثني يا مغيث أغثني
وفرج كربي واقض حاجتي وابدلني من عسري يسرا ومن حزني فرحا ومن ضيقي فرجا   يا الله

وصلى الله على حبيبي وقرة عيني سيدي رسول الله واله وصحبه وسلم


ختاما احبابي المطلوب هو

نستوعب هالكلام ونتيقن منه ونوصله لغيرنا ونجعل هالمهمة هي مهمتنا ونواجه اي هم او مشكلة او شي مدايقنا نبتسم ونقول الله قادر
وسدقوني احبابي هاد هو الحل الوحيد والأكيد لكل مشاكلنا وهومنا

فإذن يلا نبتسم وندعي الله ونؤمن بقدرة الله ونخبر العالم وكل الناس عن قدرة الله على كل شيء

لاتنسوني من دعائكم

People who read this post also read :




Share/Bookmark

1 comment:

  1. ياودود ياودود ياودود
    يا ذا العرش المجيد يا فعلا لما تريد
    أسألك بعزك الذي لا يرام
    وبملكك الذي لا يضام
    وبنور وجهك الذي ملأ أركان عرشك
    وبقدرتك التي قدرت بها على خلقك وبرحمتك التي وسعت كل شيء
    أنت الذي وسعت كل شيء رحمة وعلما
    يا مغيث أغثني يا مغيث أغثني يا مغيث أغثني
    وفرج كربي واقض حاجتي وابدلني من عسري يسرا ومن حزني فرحا ومن ضيقي فرجا يا الله


    جزاك الله خيرا
    ويارب يوفقنا جميع لما يحب ويرضى

    ReplyDelete